Qazaqstan Respýblıkasy Aýyl sharýashylyǵy mınıstrliginiń buıryǵy  №19-1/441

2015 jylǵy 15 mamyr, Astana qalasy Sý obektilerine jol beriletin shekti zııandy áserlerdiń normatıvterin ázirleý men bekitý qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 84-babynyń 3-tarmaǵyna sáıkes buıyramyn: 1. Qosa berilip otyrǵan Sý obektilerine jol beriletin shekti zııandy áserlerdiń normatıvterin ázirleý men bekitý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Investısııalar jáne damý mınıstri Ulttyq ekonomıka mınıstri ___________ Á. Isekeshev ___________ E.Dosaev 2015 jylǵy 11 maýsym 2015 jylǵy 3 shilde «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Ishki ister mınıstri Energetıka mınıstri ___________ Q. Qasymov ___________ V.Shkolnık 2015 jylǵy 28 maýsym 2015 jylǵy 4 maýsym Qazaqstan Respýblıkasy Aýyl sharýashylyǵy mınıstriniń 2015 jylǵy 15 mamyrdaǵy № 19-1/441 buıryǵymen bekitilgen Sý obektilerine jol beriletin shekti zııandy áserlerdiń normatıvterin ázirleý men bekitý qaǵıdalary 1. Jalpy erejeler 1. Osy Sý obektilerine jol beriletin shekti zııandy áserlerdiń normatıvterin ázirleý men bekitý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń 84-babynyń 3-tarmaǵyna sáıkes ázirlendi jáne sý obektilerine jol beriletin shekti zııandy áserlerdiń normatıvterin ázirleý jáne bekitý (budan ári – JShZÁ normatıvi) tártibin aıqyndaıdy. 2. Sý obektilerine JShZÁ-niń normatıvteri jer beti jáne jer asty sýlaryn ekologııalyq jáne sanıtarlyq-epıdemıologııalyq talaptarǵa saı jaı-kúıde ustaý maqsatynda belgilenedi jáne onyń maqsatty nysanasyn eskere otyryp, sharýashylyq qyzmettiń árbir túriniń sý obektisine áserin keshendi baǵalaý úshin qoldanylady. 3. Osy Qaǵıdalarda mynadaı negizgi uǵymdar paıdalanylady: 1) zııandy áser – onyń saldarynan ekologııalyq júıeniń turaqty jaı-kúıiniń buzylýy, naqty sý obektisiniń, basseınniń nemese onyń bir bóliginiń (ýchaskesiniń) sandyq jaǵynan aıtarlyqtaı azaıýy nemese jaı-kúıi sapasynyń nasharlaýy oryn alǵan, sharýashylyq qyzmet túriniń sý obektisine zııandy áseri; 2) sý obektilerine JShZÁ normatıvi – onyń saqtalmaýy sý obektisiniń nemese onyń bir bóliginiń (ýchaskesiniń) ekologııalyq júıesiniń tabıǵı jaı-kúıiniń birjola buzylýyna ákep soǵýy múmkin, belgilengen tártippen bekitilgen sharýashylyq qyzmet túriniń sý obektisine jol beriletin shekti zııandy áseriniń kórsetkishi; 3) sharýashylyq qyzmet túriniń sý obektisine jol beriletin shekti zııandy áseri – ekologııalyq júıeniń tabıǵı qurylymy men qalypty jumys isteýi saqtalatyn jáne halyqtyń densaýlyǵyna zııan keltirilmeıtin, sharýashylyq qyzmet túriniń sý obektisine jol beriletin zııandy áseriniń (antropogendik júkteme shamasy) shekti deńgeıi. 2. Sý obektilerine jol beriletin shekti zııandy áserlerdiń normatıvterin ázirleý men bekitý 4. Sý obektilerine jol beriletin shekti zııandy áserlerdiń normatıvteri: 1) uzaq ýaqyt áser etýi sý obektisiniń ekologııalyq júıesiniń ózgerýine ákep soqtyrmaıtyn, antropogendik júktemeniń jol beriletin shekti shamasy; 2) sý obektisine jáne onyń sý jınaý alańyna túsýi múmkin zııandy zattardyń jol beriletin shekti massasy men shoǵyrlanýy negizinde belgilenedi. 5. Sý obektilerine JShZÁ-niń normatıvterin ázirleý rásimi mynalardy: 1) sý obektisin maqsatty paıdalaný, onyń basseınindegi sharýashylyq qyzmet týraly aqparat jınaýdy jáne qolda bar aqparatty taldaýdy; 2) sanıtarııalyq-epıdemıologııalyq, balyq sharýashylyǵy jáne ekologııalyq talaptardy eskere otyryp, sý obektisiniń qazirgi jaı-kúıin baǵalaýdy; 3) sý obektisine áser etý kózderiniń sandyq jáne sapalyq sıpattamasyn qamtıdy. 6. Sý obektilerine JShZÁ-niń normatıvterin izdestirý jáne jobalaý jumystary nátı­jesiniń negizinde ǵylymı jumystardy jáne qorshaǵan ortany qorǵaý salasyndaǵy jumys­tardy júrgizýge quqyǵy bar ǵylymı, mamandandyrylǵan jáne jobalaý uıymdary ázirleıdi. 7. Birinshi kezekte sharýashylyq qyzmet túriniń uzaq ýaqyt jáne qarqyndy áserine ushyraǵan aýmaqtarda ornalasqan sý obektilerine jáne/nemese erekshe memlekettik mańyzy bar sý obektilerine arnalǵan normatıvter ázirlenedi. 8. Sý obektilerine JShZÁ-niń ázirlengen normatıvteri qorshaǵan ortany qorǵaý, jer qoınaýyn zerdeleý men paıdalaný salasyndaǵy, ónerkásiptik qaýipsizdik salasyndaǵy ýákiletti organǵa, halyqtyń sanıtarııalyq-epıdemıologııalyq salaýattylyǵy salasyndaǵy ýákiletti organǵa kelisýge joldanady. 9. Sý obektilerine JShZÁ-niń kelisilgen normatıvter sý qoryn paıdalaný men qorǵaý, sýmen jabdyqtaý, sý burý salasyndaǵy ýákiletti organmen bekitiledi. 10. Sý obektisi basseınindegi ekologııalyq ahýal ózgergen nemese sý obektisiniń jaı-kúıi týraly jańa derekter alynǵan jaǵdaıda sý obektilerine JShZÁ-niń belgilengen normatıvteri osy Qaǵıdalarda belgilengen tártippen qaıta qaralady. Buıryq Qazaqstan Respýblıkasynyń Ádilet mınıstrliginde 2015 jylǵy 31 shildede Normatıvtik quqyqtyq kesimderdi memlekettik tirkeýdiń tizilimine №11811 bolyp engizildi.